Proverbe
18 Codo cai beșel corcoro rodel te cherel so camel lesco ilo hai duriarel pestar orisavo goghiaverimos cai daștil te ajutil-les. 4 Le cuvintea cai phenel-le iech manuș sile sar niște bare paia. I haing le goghiaverimaschi si iech baro pai cai thabdel. 10 O anav le Iehovasco si iech zuralo turno. Codo orta nașel ande leste hai silo ferime. 11 O barvalimos codolesco cai si barvalo si lesco zuriardo foro; ande leschi goghi, vo si sar iech zido cai feril-les. 13 Dacă varecon del duma angla so te așunel, si iech dilimos hai iech lajiav anda leste. 17 Codo cai del duma mai anglal ande iech proceso fal-pe că siles ciacimos, ji cana avel ocoaver hai șiol lesche pușimata. 19 Iech phral casche phendeam dume jungale si mai pharo te avel câștighime sar iech zuralo foro hai o fapto te has amen averența si sar chichiva clăghina anda iech fortăreața. 21 O merimos hai i viața sile ando zuralimos la șibaco; codo cai placial-les te folosil-la va hala laco rodo. 22 Con arachel iech lași rromni, arachel vareso cuci hai primisarel o lașimos le Iehovasco. 24 Si amala cai sile gata te peraven-pe iech averes, tha si iech amal mai pașardo sar iech phral.