Evrei

2 Ita sostar trebul te las sama mai but sar oricana ca le buchia cai așundeam-le, ca niciechdata te na duriaras-ame catar amaro drom. 7 Cărdean-les iech țâra mai tele sar le îngeren, dean-les i coroana la gloriachi hai le pachivalimaschi hai șiutean-les opral sea le buchi che vastenghe. 9 Tha dichas le Isusos încoronime acana gloriaia hai pativaia anda codoia că suferisardea o merimos; vo sas-lo cărdo iech țâra mai tele sar le îngeria pentru ca, prin o baro lașimos le Devlesco, te zumavel o merimos anda fiesavo manuș. 14 Cadea că, sar le „șiaorrăn” sile cărde anda mas hai rat, vi vo cărdilo mas hai rat, ca prin lesco merimos te anel chanceste codoles cai siles o zuralimos te anel o merimos, le Diavolos, 15 hai te hastravel savoren codolen cai i dar le merimaschi phandadea-le andi sclavia sea i viața. 17 Cadea că, vo trebuisardea te arăsăl cadea sar lesche phrala ande sea le buchia. Caște daisarel te avel iech baro rașai îndurătorii hai loialo andel buchia le Devlesche hai cadea, te del iech jertfa de împăcare anda le păcatea le poporosche. 18 Anda codoia că chiar vo suferisardea cana sas șiuto co zumaimos, vo daștil te avel ando ajutorii codolengo cai sile șiute co zumaimos.