Evrei
10 Anda codoia că i legea si numai iech ucial le buchianghe lașe cai va avena, tha na-i o ciacimos cadale buchianghe, voi ci daștil niciechdata, prin sa codol jertfe dine bi te așiaven-pe, ande fiesavo bărș, te cherel perfecți codolen cai pașion le Devlestar. 2 Aver varesar, ci mai trebulas te aven andine jertfe? Că codola cai cheren iech buchi sfânto, iechdata ujiarde, ci mai doșarelas-len lengo ilo anda lenghe păcatea. 3 Tha prin cadal jertfe anel-pe amintea catar le păcatea bărș pala bărș, 4 anda codoia că o rat le guruvengo hai le buzneango na-i sar te chosel le păcatea. 5 Anda codoia, cana avilea andi lumea, vo phendea: „«Tu ci camlean jertfe hai ofrande, tha pregătisardean manghe iech corpo. 6 Ci arachlean plăcerea andel ofrande thabarde hai andel ofrande anda o păcato». 7 Atunci phendem: «Ita! Avilem (ando sulo si scriime anda mande) te cherav chi voința, o, Devla!»”. 10 Anda cadai „voința”, amen samas sfințosarde prin o corpo le Isus Cristososco, cai sas-lo dino sar ofranda iech data anda sea o timpo. 12 Tha cado manuș dea iechdata anda sea o timpo iech corcori jertfa andal păcatea hai șutea-pe ca i ciaci rig le Devleschi, 19 Cadea că, phralale, daisaras te jias andre pherde tromai ando than sfânto, prin o rat le Isusosco, pi rig 20 cai vo pâtărdea-la anda amende sar drom nevo hai jiuvindo prin i perdeaua, adică prin lesco corpo, 22 te pașioas ieche ileia ujo hai pherde pachiamos, pala so sas-le halade amare ile catar iech conștiința nasul hai o corpo halado paieia ujo. 23 Te încăras zurales te phenas angla savore amari speranța, bi te das parpale, anda codoia că codo cai cărdea i promisiunea si loialo. 24 Te las sama iech averestar caște îndemnosaras-ame ca iubirea hai buchiande lașe 25 hai te na mechas amari întrunirea, cadea sar cheren chichiva, tha te zuriaras-ame iech averes, hai cadaia chichi mai but dichas că o ghies pașiol! 35 Cadea că, na mechen tumen hai den duma mai dur pherde tromai, anda codoia că cadai buchi anel iech baro pochinimos. 36 Trebul te na mechen tumen, ca pala so cărdean sea so camel o Del, te primisaren lestar so promitisardea tumenghe vo. 37 Încă „zurales țâra timpo” hai „codo cai avel va arăsăla hai ci va mechela-pe ajucărdo”. 38 „Tha codo orta va traila prin pachiamos” hai „dacă del parpale, ci va mai avela cuci ande mânre iacha”. 39 Tha amen ci sam anda codola cai den parpale caring o merimos, tha anda codola cai silen pachiamos caște așen jiuvinde.