1 Corinteni

3 Dacă dav sea mânre buchia caște avel averen so te han hai dacă dav mânri viața caște așarav-ma, tha na-i man iubirea, chanceste ci ajutilas-ma. 4 I iubirea jianel te ajucărel hai si lași. I iubirea ci sili invidioso, ci așarel-pe, ci del-pe bari, 5 ci phiravel-pe bipachivales, ci rodel pesco miștimos, ci holiarel-pe sigo. Ci încărel conto catar o nasulimos cărdo. 6 Ci bucuril-pe ando neortomos, tha bucuril-pe le ciacimaia. 7 Nachel părdal sea le buchia, pachial sea le buchia, ajucărel sea le lașe buchia, așel zurali angla sea le buchia. 8 I iubirea ci nachel niciechdata. Tha, dacă si daruri andai profețirea, va avena duriarde, dacă si șiba, va avena așiade, dacă si prinjianimos, va avela duriardo. 9 Că si amen iech prinjianimos pe dipaș hai so profețisaras na-i completo, 11 Cana somas șiavo, dem duma sar iech șiavo, gândisardem sar iech șiavo, sas-ma i goghi ieche șiaveschi, tha cana arăslem murș, duriardem mandar le trăsături cai si ieche șiavorres. 12 Ci dichas cadea de mișto, sar ande iech oglinda anda sastr, tha atunci va dichaia mișto. Aghies prinjianav pe dipaș, tha atunci va avela te prinjianav cu sea, cadea sar vi me som prinjiando cu sea. 13 Cadea că, acana așen cadala trin: o pachiamos, i speranța hai i iubirea. Tha i mai bari anda lende si i iubirea.