Coloseni
5 Mudaren le cotora tumare corposche cai sile pi phuv ande soste priveal i imoralitatea sexualo, o neujimos, i pofta sexualo, le camnimata nasul hai o hașvalimos, cai si idolatria. 8 Tha acana duriaren-le sea tumendar: i sighiardi holi, i holi, o jiungalimos, o dimos duma cai duchavel hai le cuvintea melale anda tumaro mui. 9 Na hohaven tumen iech averes! Mechen palal o purano manuș cai sanas mai anglal hai le buchia cai cărdean-len 10 hai neviaren o manuș cai san de andral, cai prin o ciacio prinjianimos, neviarel-pe pala o chipo Codolesco cai cărdea-les. 12 Cadea că, sar alosarde le Devlestar, sfințome hai iubime, len pe tumende i iubirea hai i mila, aven pherde lașimos, umilința, blândețea hai răbdarea. 13 Suportin tumen mai dur iech averes hai iertin tumen anda sea o ilo iech averes, vi cana varecas siles iech motivo te rovarel-pe contra averesche. Cadea sar iertisardea tumen o Iehova anda sea o ilo, cadea te cheren vi tumen. 14 Tha, mașcar sea cadala, hureaven tumen iubireasa, anda codoia că si o phanglimos perfecto cai încărel amen chidine. 15 Sa cadea, i pacea le Cristososchi te rail ande tumare ile, anda codoia că cadala paceate sanas acharde caște aven iech corcoro corpo. Sicaven recunoștința! 16 O cuvânto le Cristososco te beșel ande tumende hai te pherel tumen, ande sea o goghiaverimos. Sicaven tumen hai zuriaren tumen iech averes mai dur prin psalmi, prin așarimata andine le Devlesche, prin ghilea spiritualo ghilabade pherde recunoștința; te ghilaban anda sea o ilo le Iehovasche. 18 Rromniale, aven supuso tumare rromenghe, sar perel-pe ando Rai! 19 Rromale, continuin te iubin tumare rromnian hai na șioren tumari holi pe lende! 20 Șiavorrale, așunen tumare dadendar ande sea, căci cadai buchi si plăcuto le Raiesche! 21 Dadale, na vazden i holi ande tumare șiave, caște na peradion! 23 Orisavi buchi cheren, te cheren-la anda sea o ilo, sar anda o Iehova, na sar anda le manușa, 24 anda codoia că jianen că catar o Iehova va primina i moștenirea sar pochinimos. Slujisaren sar sclavi le Stăpânosche, o Cristos!