Ioan
13 O Isus jianglea angla i sărbătoarea la Patraghiachi că avilea lesco timpo te tiliarel anda cadai lumea hai te jial ca pesco Dad. Hai, vo iubisardea pesche manușen cai sas-le andi lumea, cadea că vo iubisardea-le ji co sfârșito. 4 Vazdea-pe opre catar i meseli, dea tele pa peste pesco hureaimos, pala codoia lea iech prosopo hai phanglea-les pe pesco mașcar. 13 Tumen phenen manghe «Sicaitori» hai «Rai» hai si tumen ciacimos, anda codoia că cadea som. 14 Cadea că, dacă me sar Rai hai Sicaitori haladem tumare pânre, vi tumen trebun te halaven le pânre iech averesche. 15 Anda codoia cărdem cadai buchi, caște cheren vi tumen iech averesche so cărdem me. 17 Acana, că jianen cadal buchia, fericime san dacă cheren-le. 23 Iech anda lesche discipoli, codo cai iubilas-les o Isus, beșelas ca i meseli pașa o Isus. 34 Dav tumen iech porunca nevi: Te iubin tumen iech averes; cadea sar me iubisardem tumen, cadea te iubin tumen vi tumen iech averes. 35 Prin cadaia va jianena savore că san mânre discipoli: cana si iubirea mașcar tumende.”