Matei

3 Vo phendea lenghe: „Ci citisardean so cărdea o David cana vo hai lesche manușa cai sas-le leia sas bochale? 7 Cu sea cadala, dacă avileas te hachiaren so însemnol: «Îndurarea camav, na jertfe», ci avileas te condamnin codolen nedoșale. 15 Cana așundea cadaia, o Isus tiliardea de cothar. But manușa găle pala leste, hai vo sastiardea savoren. 16 Tha phendea lenghe lașimasa te na phenen averenghe con silo vo, 17 Caște pherel-pe so phendea-pe prin o profeto Isaia: 18 „Dich! Cado si mânro manuș saves alosardeam-les, codo iubime mandar, cai aprobisardem-les! Va avela te șioav mânro spirito opral leste hai vo va cherela ca le națiuni te hachiaren so si o ortomos. 19 Vo ci va hala-pe, ci va dela cingar hai chonic ci va așunela lesco glaso po droma. 20 Vo ci va nichiarela i trestia phaghi hai ci va mudarela o fitilo cai thuvarel ji cana va cherela te dichiol-pe o ortomos. 34 Pui sapengo, sar daștin te phenen buchia lașe, cana tumen san nasul? Anda codoia că anda sea o ilo del duma o mui. 35 O manuș lașio încalavel lașe buchia anda pesco lașio barvalimos, tha o manuș nasul încalavel buchia nasul anda pesco barvalimos nasul. 36 Phenav tumenghe că le manușa va dena socoteală ando Ghies la Crisaco anda orisavo cuvânto cai ci anel chanci lașio hai phenen-les; 37 anda codoia că prin lesche cuvintea va avela declarime varecon orta hai prin lesche cuvintea va avela condamnime”. 41 Ca i cris le manușa anda Ninive va uștena andal mule ande iech than le manușența anda cadai generația hai va doșarela-len, anda codoia că von risarde-pe catar pengo phiraimos nasul cana așunde le dumes cai o Iona predichisardea-len. Tha ita că cade si varecon mai baro sar o Iona. 48 Vo phendea lesche parpale: „Con si mânri dei hai con si mânre phrala?”. 49 Hai, sicadea le vasteia caring lesche discipoli hai phendea: „Ita mânri dei hai mânre phrala! 50 Anda codoia că con cherel i voia mânre Dadeschi, cai silo ando cerii, codo si manghe phral, phei hai dei”.