Filipeni
2 Dacă tumen zuriaren tumen iech averes ando Cristos, dacă den duma lașimasa hai pherde iubirea, dacă len sama iech averestar anda codoia că slujin ieche corcore Devlesche, dacă si iech iubirea zurali mașcar tumende hai sicaven mila, 2 cheren ca mânri bucuria te avel pherdi prin codoia că si tumen sa codoi goghi hai sa codoi iubirea iech caring aver, aven chidime cu sea ande iech than, hai te avel tumen iech corcoro gândo. 3 Na cheren chanci anda iech spirito cai cherel te han tumen sau te aven puchiarde barimastar, tha pherde umilința dichen le coaveren că sile mai bare tumendar. 4 Na roden numai tumaro miștimos, tha gândin tumen vi ca o miștimos le coaverengo. 5 Te avel tumen sa codoi gândirea sar le Cristososchi Isus, 6 cai, chiar cana sas-lo cărdo pala o chipo le Devlesco, ci gândisardea-pe te lel o than le Devlesco hai te avel sar Vo. 7 Na, tha mechlea sea so sas-les, hai lea chipo sclavosco hai cărdilea manuș. 8 Mai but, cana avilea sar manuș, vo sicadea umilința hai așundea le Devlestar ji co merimos, da, iech merimos po stâlpo de tortură. 9 Anda codoia, o Del vazdea-les opre ande iech than mai baro hai pherdo lașimos dea-les o anav cai si mai opral sar orisavo aver anav, 10 ca ando anav le Isusosco te den cianga savore anda o cerii, pa i phuv hai codola tela i phuv 11 hai orisavi șib te pachial ciaces că o Isus Cristos silo Rai anda o așarimos le Devlesco, o Dad. 13 Că o Del si codo cai cherel buchi ande tumende, cadea sar ciaiol-les. Cherel tumen vi te camen hai vi del tumen o zuralimos caște cheren so trebul. 19 Hai, dacă va camela o Rai Isus, si man i speranța te bișalav tumenghe chichi mai sigo le Timoteios, caște avav zuriardo cana va phenela manghe sar san tumen. 20 Că nai-ma chonic cai te avel-les iech atitudinea sar leschi, cai te lel sama ciaces tumendar. 21 Anda codoia că sea le coaver roden pengo miștimos, na te cheren i buchi le Isus Cristososchi. 22 Tha tumen jianen so lașio anav cărdea pesche vo, că, cadea sar iech șiavo pesche dadeia, slujisardea manța caște îngăras mai dur i vestea lași. 30 anda codoia că vo sas-lo pașă te merel anda i buchi le Cristososchi, hai sas-lo gata te del peschi viața caște slujil manghe ande tumaro than.