2 Corinteni

7 chiar datorime anda mânre bare revelații. Caște na vazdav-ma prea opre, sas manghe dino iech canro ando mas, iech îngero le Satanosco cai del-ma palme sea o timpo cadea încât te na vazdav-ma prea opre. 8 Anda cadaia, trin-var manglem le Raies te duriarel-les mandar. 9 Tha vo phendea manghe: „Mânro lașimos nemeritime si destul anda tute, anda codoia că mânro zuralimos silo cărdo perfecto ando covlimos”. Anda codoia, pherdo bucuria va avela te dav-ma baro mânre covlimanța, pentru ca o zuralimos le Cristososco te așel pe mande sar iech țărha. 10 Cadea că, de drago le Cristososco, arachav mânri plăcerea andel covlimata, andel prasaimata, andel nevoi, andel persecuții hai andel pharimata. Anda codoia, cana som covlo, atunci som zuralo.