Iov

33 Tha acana, Iov, mangav tut, așun mânre dumes hai șiu ando ilo sea so phenav tuche! 6 Ita! Angla o ciacio Del som cadea sar tu; vi me somas cărdo andai phuv. 7 Cadea că, na-i sostar te daras mandar hai nici te simțosares că mânre dumes peraven tut. 8 Tha, tu phendean angla mande hai me așundem butivar cadal dumes: 9 «Som ujo; ci som doșalo; som ujo, ci cărdem niciech nasulimos. 10 Tha o Del rodel te așel manghe contra, dichel man sar pesco dușmano. 11 Vo șiol mânre pânre andel cașta, dichel sea so cherav». 12 Tha na-i tut ciacimos cana phenes cadaia, cadea că phenav tuche parpale: O Del si but mai baro sar o manuș cai merel. 17 caște risarel le manușes catar le buchia nasul cai cărdea-len hai te feril-les catar o baricanimos. 25 Lesco mas te avel mai sastevesto sar ando tărnimos hai te avel-les sa codo zuralimos sar cana sas-lo tărno».