Psalmii
22 Mânro Del, mânro Del, sostar mechlean man? Sostar așes dur hai ci hastraves man? Sostar ci așunes man cana rovarav man duchatar? 2 Mânro Del, sea o ghies dav cingar, hai tu ci phenes manghe chanci parpale; nici andi riat ci așiavav mânro mui. 7 Sea codola cai dichen man prasan man, asan mandar, den anda șăro hai phenen: 8 „Șiutea pesco pachiamos ando Iehova. Vo te hastravel-les! Vo te hastravel-les, anda codoia că lesche si drago!”. 10 Somas dino ande che vasta caște les sama mandar de cana cărdilem; anda o păr mânra deiaco tu san mânro Del. 15 „Mânro zuralimos șuchilea-pe sar iech cotor lutosche; mânri șib lipil-pe catar mânre gingii; meches-ma tele ando prahos le merimasco. 18 Hulaven mânre hureaimata mașcar pende hai șiuden le sorți anda mânro hureaimos. 22 Va avela te dav duma mânre phralenghe anda chio anav; va avela te așarav-tu ando mașcar la congregațiaco. 23 Tumen, cai daran le Iehovastar, așaren-les! Tumen, savore cai aven andal șiave le Iacobosche, glorifichin-les! Anen lesche iech bari pachiv, tumen savore cai aven andal șiave le Israelosche! 24 Că Vo ci dichlea bi valoareaco hai ci nachlea părdal i duch codoleschi perado. Ci garadea peschi fața lestar. Așundea cana dea cingar caring Leste pala ajutorii. 26 Codola umili va hana hai va avena ciailiarde; codola cai roden le Iehovas va așarena-les. Te avel-tume viața anda sea o timpo!