Psalmii
18 Merav anda tute, Iehova, mânro zuralimos! 2 O Iehova si mânri stânca, mânro zuralimos hai Codo cai hastravel-ma. Mânro Del si mânri stânca, leste garavav-ma, mânro scuto hai mânro zuralo hastraitorii, mânro ciacio garaimos. 6 Ande mânro pharimos achardem le Iehovas, caring mânro Del cingardem pala o ajutorii. Anda lesco templo, vo așundea mânro glaso, hai mânro manglimos anda ajutorii arăslea ca lesche cana. 10 Avilea ando zboro pe iech heruvimo. Mechlea-pe tele sigo pe ieche spiritosche phacha. 16 Vo zinghiardea pesco vast de opral, astardea man hai încaladea man andal bare paia. 17 Hastradea man catar mânro zuralo dușmano, codolendar cai urânas man, cai sas-le mai zurale mandar. 25 Codoleia loialo phiraves-tu loialo, hai le manușeia bidoșaco phiraves-tu bidoșaco; 29 Prin chio ajutorii daștiv te așiav contra but ciora chidine ande iech than, le zuralimasa le Devlesco daștiv te huteav părdal iech zido. 30 I rig le ciace Devleschi si perfecto; o cuvânto le Iehovasco silo ujo. Vo si iech scuto anda sea codola cai garaven-pe leste. 32 O ciacio Del huriavel-ma zuralimaia hai vo ortosarel mânro drom. 35 Tu des-ma chio scuto anda i salvarea, chio vast o ciacio încărel-ma hai chi umilința cherel-ma baro. 39 Tu va avela te des man zuralimos caște marav man, va avela te cheres codolen cai așen manghe contra te peren angla mande. 46 O Iehova si jiuvindo! Așardi te avel mânri Stânca! Vazdino te avel o Del mânra salvareaco!