Luca

18 Pala codoia phendea lenghe iech ilustrarea anda o fapto că trebul te rughin-pe sea o timpo hai te na mechen-pe. 2 Vo phendea: „Ande iech foro sas iech judecătorii cai ci daralas le Devlestar hai ci sas-les respecto caring niciech manuș. 3 Ande codo foro sas vi iech phivli cai jialas sea o timpo leste hai phenelas lesche: «„Cher manghe ortomos ando proceso cai si man codoleia casa judechiv man». 4 Iech timpo, vo ci camlea, tha pala codoia phendea pesche: «Vi chiar cana ci darav catar o Del hai ci respectisarav nicieche manușes, 5 anda codoia că, cadai phivli sa diliarel man, va avela te cherav lache ortomos caște na mai avel sea o timpo hai te diliarel man»”. 6 Pala codoia o Rai phendea: „Așundean so phendea o judecătorii, vi chiar cana sas-lo neorta? 7 Atunci, ci va cherela o Del ortomos codolenghe cai alosardea-len hai cai den cingar caring leste ghies hai riat, ando timpo so sicavel răbdarea caring lende? 8 Phenav tumenghe că va cherela lenghe ortomos sigo. Cu sea cadala, cana va avela o Șiav le manușesco, va arachela vo pi phuv iech pachiamos sar cado?”. 9 Sa cadea, phendea i ilustrarea cai avel chichiva manușenghe cai pachianas zurales că sas-le orta hai cai dichenas le coaveren sar iech chanci: 18 Hai iech mașcar codola cai rainas pușlea-les: „Lașe Sicaitorina, so trebul te cherav caște avel man viața veșnico?”. 19 O Isus phendea lesche: „Sostar phenes manghe că som lașio? Chonic na-i lașio, numai iech corcoro: o Del. 20 Prinjianes le porunci: te na cheres curvia, te na mudares, te na ciores, te na phenes dumes hohamne, te des pachiv che dadesche hai chia deiache”. 21 Atunci vo phendea: „Sea cadal buchia încărav-len de cana som tărno”. 22 Cana o Isus așundea cadaia, vo phendea lesche: „Iech corcori buchi mai trebul tuche: Jia, bichin sea so si tut hai de le love le ciorenghe, hai cadea va avela tut iech barvalimos ando cerii. Pala codoia av pala mande”. 29 Vo phendea lenghe: „Ciaces phenav tumenghe că na-i chonic savo mechlea chăr sau rromni sau phral sau dada sau șiavore anda o Regato le Devlesco 30 hai savo te na primil mai but ande cado timpo, hai ando sistemo cai avel, viața veșnico”. 34 Hai pe thanese vo dichlea pale hai începosardea te jial pala o Isus, hai delas gloria le Devlesche. Cana dichle cadaia, sea codol manușa andine vi von așarimata le Devlesche. 35 Ando timpo so o Isus pașiolas catar o Ierihono, iech coro manuș beșelas pașa o drom hai maghelas. 36 Anda codoia că așunelas că mai but manușa nachenas cothar, pușlea so întâmplol-pe. 37 Von phende lesche: „Nachel o Isus o Nazarineano!”. 38 Atunci vo dea cingar: „Isus, o Șiav le Davidosco, cher tuche mila mandar!”. 39 Codola cai jianas angla leste începosarde te len-pe lestar hai te phenen lesche te așel anda o mui, tha vo dea cingar vi mai zurales: „O Șiav le Davidosco, cher tuche mila mandar!” 40 Atunci o Isus așilea po than hai phendea ca o manuș te avel andino leste. Cana codo pașilea, o Isus pușlea-les: 41 „So cames te cherav anda tute?”. Vo phendea: „Raia, te dichav pale!”. 42 Cadea că, o Isus phendea lesche: „Te diches pale! Chio pachiamos sastiardea-tu”. 43 Hai pe thaneste vo dichlea pale, hai astardea te jial pala o Isus, hai te del gloria le Devlesche. Cana dichle cadaia, sea codol manușa așarde vi von le Devles.