Proverbe

22 Si mai mișto te alosares te avel-tu iech lașio anav sar te aven-tu bare barvalimata, hai i pachiv cai sicaven-la tuche aver si mai lași sar o rup hai o sumnacai. 3 O manuș goghiaver dichel de mai anglal o nasulimos hai garavel-pe, tha codola bi goghiaco jian angle hai țârden buchia nasul. 4 I umilința hai i dar le Iehovastar anen barvalimos, pachiv hai viața. 6 Sicav le șiaves i rig pe savi trebul te jial hai nici cana va phuriola na avela te duriarel-pe latar. 7 O barvalo manuș rail opral le ciore manușa hai codo cai șiol-pe camado si o sclavo codolesco cai del po camimos. 17 Banghiar chio can hai așun so phenen le goghiaver, caște ortosares chio ilo caring mânro prinjianimos, 19 Caște șios chio pachiamos ando Iehova, aghies dav-tut prinjianimos. 24 Na av amal codoleia cai astarel-pe sigo holiatar hai na phir codoleia cai holiarel-pe butivar, 25 caște na sichios lesche riga hai te na șios corcoro angla tute iech athaimos. 29 Dichlean iech manuș cai cherel mișto peschi buchi? Vo va beșela angla le regi, na angla le manușa simplo.