Iov
2 Pala codoia avilea o ghies cana le șiave le ciace Devlesche găle andre angla o Iehova, hai o Satan gălea andre vi vo mașcar lende caște sicavel-pe angla o Iehova. 2 Atunci o Iehova phendea le Satanosche: „Cathar aves?”. O Satan phendea le Iehovasche: „Catar o rodimos la phuveaco hai catar o phirimos cai cărdem-les pe late”. 3 Hai o Iehova phendea le Satanosche: „Dichlean mânre slujitores le Iovos? N-ai chonic sar leste pi phuv. Vo silo iech manuș orta hai bidoșaco, cai daral le Devlestar hai duriarel pestar so si nasul. Vo sea încărel zurales ca peschi loialitatea, chiar cana tu cames te risares-ma contra lesche caște chosav-les pa i phuv bi te avel doșalo. 4 Tha o Satan phendea parpale le Iehovasche: „Morci anda morci. O manuș va dela sea so siles anda peschi viața. 5 Acana zinghiar chio vast hai azbav lesche cocala hai lesco mas hai ciaces, va dela-tu armaia angla che iacha”. 6 Atunci o Iehova phendea le Satanosche: „Ita că silo ande chio vast! Numai te na les leschi viața!”. 7 Cadea că, o Satan tiliardea de angla o Iehova hai dea dab le Iovos phugnianța cai duchavenas-les andai talpa le pânreschi ji opre ando șăro. 8 Hai o Iov lea iech ciobo anda luto caște harundel-pe hai șiutea-pe ando uciar. 9 Ji la urmă, leschi rromni phendea lesche: „Sea încăres zurales but ca chi loialitatea? De armaia le Devles hai mer!”. 10 Tha vo phendea lache: „Des duma sar iech jiuvli bi goghiaco! Te primisaras catar o ciacio Del numai o lașimos? Te na primisaras vi o nasulimos?”. Ande sea cadala, o Iov ci păcătuisardea pesche uștența. 13 Hai beșle lesa tele, pi phuv, efta ghiesa hai efta ratia. Niciech ci phendea lesche chanci, anda codoia că dichle chichi de bari sas leschi duch.