Faptele
4 Hai sar nachenas prin le foruria, phenenas le phralenghe hai le pheianghe so alosarde le apostoli hai le phure anda Ierusalimo, hai zuriarenas-len te încăren-len. 5 Cadea, le congregații zuriarenas-pe ando pachiamos hai lengo număro bariolas ande fiesavo ghies. 6 Pala codoia, nachle prin i Frigia hai prin i Galatia, anda codoia că o spirito sfânto ci mechlea-len te phenen o cuvânto andi Asia. 7 Pala codoia, cana arăsle andi Misia, camle te jian andi Bitinia, tha o spirito le Isusosco ci mechlea-len. 8 Cadea că, nachle pașa i Misia hai avile tele ca i Troa. 9 Ando mașcar la ratiaco, le Pavelos sas-les iech viziunea: iech macedoniano beșelas code hai manghelas-les: „Av andi Macedonia hai ajutisar amen!”. 10 Sigo pala so sas-les i viziunea, camleam te tiliaras andi Macedonia, anda codoia că hachiardeam că o Del achardea amen te phenas i vestea lași le manușenghe de othar. 11 Cadea că, anda Troa găleam pi marea ji co Samotrace, hai o duito ghies co Neapolis. 14 Hai iech jiuvli cai bușiolas Lidia, cai bichinelas hureaimos ando foro Tiatira hai cai slujilas le Devlesche, așunelas. Hai o Iehova pâtărdea zurales laco ilo caște așunel le buchia cai phenelas-len o Pavel. 15 Pala so voi hai codola anda laco chăr bolde-pe, voi manglea amen zurales: „Dacă pachian că som loialo le Iehovasche, aven hai beșen ande mânro chăr!”. Hai phendea amenghe mai butivar te beșas late. 23 Pala so dine-le dab mai butivar, șiudine-le ando phadaimos hai poruncisarde le soldatosche caște păzil-le mișto. 24 Anda codoia că sas lesche dini cadai porunca, vo șiudinea-le ande o mai garado than anda o phandaimos hai phanglea lenghe pânre andel cașta. 25 Tha, ando mașcar la ratiaco, o Pavel hai o Sila manghenas-pe hai așarenas le Devles prin ghilea, hai le manușa phandade așunenas-le. 26 Deiechdata, sas iech baro izdraimos phuveaco, cadea că le temelii le phandaimasche izdranas. Mai but sar cadichi, sea le udara pâtărde-pe deiechdata, hai vi le lanțuri savorenghe pâtărde-pe. 27 Cana o soldato uștilea hai dichlea că le udara le phandaimasche sas-le pâtărde, încaldea peschi sabia hai camlea te mudarel-pe, anda codoia că pachiaia că le manușa phandade nașle. 28 Tha o Pavel dea cingar zurales: „Te na cheres tuche chanci nasul, că savore sam cade!”. 29 Atunci vo manghlea vareso caște cherel udud, nașlea andre hai, astardo daratar, pelea tele angla o Pavel hai o Sila. 31 Von phende: „Pachia ando Rai Isus hai va avela te aves salvime, tu hai chio chăr!”.