Revelația

20 Pala codoia dichlem iech îngero cai avelas tele anda o cerii cai încărelas ando vast i cheia catar o abiso hai iech baro lanțo. 2 Vo astardea le balauros, o purano sap, cai si o Beng hai o Satan, hai phandadea-les anda 1 000 bărșa. 3 Șiudea-les ando abiso hai phandadea-les hai șiutea iech sigilio opral leste caște na mai athavel le națiuni ji cana ci va nachena le 1 000 bărșa. Pala codoia va avela mechlo avri anda țâra timpo. 5 (Le coaver mule ci avile pale viațate ji cana ci nachle le 1 000 bărș.) Cado si o iechto jiuvindimos. 7 Cana va nachena le 1 000 bărș, o Satan va avela mechlo avri anda pesco phandaimos 10 Hai o Beng, cai athavelas-le, va avela șiudino ando iagalo laco hai pherdo sulfo, cai va avena deja i fiara hai o hohamno profeto. Hai code va avena încărde andel ducha ghies hai riat, anda sea o timpo, da, veșnico. 11 Hai dichlem iech trono baro hai parno hai Codoles cai beșelas pe leste. I phuv hai o cerii nașle angla leste hai ci mai arachlea-pe than anda lende. 12 Hai dichlem le mulen, bare hai țâne, cai beșenas ande pânrănde angla o trono hai sas pâtărde chichiva suluri. Tha sas pâtărdo încă iech sulo: o sulo la viațaco. Le mule sas-le judechime pala so sas scriime andel suluri, pala le buchia cai cărde-le. 13 I marea dea parpale le mulen anda late, o merimos hai o Mormânto dine parpale le mulen anda lende. Hai fiesavo anda lende sas-lo judechime pala le buchia cai cărdea-len. 14 Pala codoia o merimos hai o Mormânto sas-le șiudine ando iagalo laco. Cado iagalo laco si o duito merimos. 15 Con ci sas-lo arachlo ando lil la viațaco, sas-lo șiudino ando iagalo laco.