2 Timotei
3 Tha te jianes că andel palutne ghiesa va avena timpuri phare, cai phares va cărdiola lenghe fața. 2 Le manușa va sicavena iubirea numai caring pende, va iubina le love, va dena-pe bare, va dena duma nasul anda o Del, ci va așunena penghe dadestar hai deiatar, ci va mulțumina, va avena neloialo, 3 ci va avela-len iubirea ciaci, ci va hachiarena-pe ande chanceste, hohamne, ci va încărena-pe parpale, va avena ratavale, ci va iubina o miștimos, 4 va bichinena-pe iech averes, șărale, puchiarde barimastar, va iubina mai sigo le plăceri sar le Devles, 5 ameal că silen iech pachiamos sfânto, tha le buchia cai cheren-le sile nasul; cadale manușendar duriar-tu. 12 Cadea că, sea codola cai camen te slujin ciacimasa le Devlesche ando phanglimos le Isus Cristososa, va avena vi von persecutime. 13 Tha le manușa nasul hai codola cai athaven va jiana anda nasul ando mai nasul; va athavena hai va avena athade. 14 Tha tu jia angle le buchianța cai sichilean-le hai cai jianes zurales că trebul te pachias-le, anda codoia că jianes castar sichilean-le. 15 hai că de țâno șiavo prinjianes le scrieri sfânto, cai daștin te cheren-tu goghiaver anda i salvarea prin o pachiamos ando Cristos Isus. 16 Sea i Scriptura avel catar o Del hai si lași te sicavel, te mustrol, te ortol le buchia, te disciplinil ando ortomos, 17 ca o manuș le Devlesco te avel capabilo, pregătime cu sea anda orisavi buchi lași.