Matei

21 Cu sea cadala, ci siles rădăcina ande leste. Vo așel iech timpo, tha, cana avel iech pharimos sau iech persecuția anda o cuvânto, perel sigo. 38 i phuv si i lumea; i lași sămânța si le șiave le Regatosche, hai i neghina si le șiave codolesche nasul; 40 Cadea că, sar i neghina sili chidini hai thabardi andi iag, sa cadea va avela vi co phandaimos le sistemosco. 43 Ande codo timpo, codola orta va strălucina cadea de zurales sar o cham ando Regato lenghe Dadengo. Cas si cana te așunel! 44 O regato le cerosco si sar iech comoara garadi po câmpo. Iech manuș arachlea-la hai garadea-la, hai pala codoia, pherdo bucuria, gălea hai bichindea sea so sas-les hai lea pe lovende codo câmpo. 45 O regato le cerosco si sar iech negustoro cai phirel te arachel cuci perle. 46 Cana arachlea iech cuci perla, gălea, bichindea sigo sea so sas-les hea lea-la pe lovende. 47 O Regato le cerurengo si sar iech plasa șiudini andi marea, cai astarel mașe de orisavo felo. 48 Cana pherdilea, von țârdine-la avri pașa o pai, beșle tele, chidine le mașen cai sas lașe andel pirea hai șiudine codolen cai ci sas lașe. 49 Sa cadea va avela cana va phandavela-pe cado sistemo. Le îngerea va înclena hai va șiona codolen lașe ande iech rig hai codolen nasul ande aver rig.