Iacov

2 Mânre phrala, sicaven tumen pachiamos ande amaro baro Rai o Isus Cristos cana sicaven pachiv numai le bare manușenghe? 2 Că, dacă ca iech anda tumari întrunirea avel iech manuș cai siles angrustea anda sumnacai pe lesche naia hai cai siles cuci hureaimata, tha avel vi iech cioro cai siles melale hureaimata, 3 den mai but pachiv codolesche cai phiravel cuci hureaimata hai phenen lesche: „Tu beș cade, ande iech lașio than”, hai codolesche cioro phenen lesche: „Tu aș ande pânrende” sau: „Beș code, pașa o scamin mânre pânrengo”? 4 Cana si cadea, ci cheren tumen diferențea mașcar le manușa hai ci arăslean tumen judecători cai len decizii neorta? 8 Cadea că, dacă respectin i legea regalo, cadea sar phenen le Scripturi: „Te iubisares che pașardes sar tut”, zurales mișto cheren. 13 Că, anda codo cai ci sicavel îndurarea, i judecata va avela bi îndurareaco. I îndurarea si mai opral sar i judecata. 15 Dacă chichiva phralen hai pheian ci silen sova te hureaven-pe hai nai-len o haben fiesave ghiesesco 17 Sa cadea, vi o pachiamos cai nai-lo sicado prin le buchia cărde, silo mulo. 21 Ci sas phendo anda o Avraam, amaro dad, că sas orta prin so cărdea pala soste dinea le Isaacos, lesche șiaves, po altarii? 22 Si ciaces că lesco pachiamos dichiolas-pe prin le buchia cai cărdea-le hai lesco pachiamos sas cărdo perfecto prin so cărdea vo. 23 Cadea, pherdilea-pe so phenen le Scripturi: „Le Avraamos sas-les pachiamos ando Iehova hai, anda codoia, sas phendo anda leste că si orta” hai arăslo te phenel-pe lesche le Iehovasco amal. 24 Cadea că, hachiaren că iech manuș daștil te avel arachlo orta prin so cherel, na numai prin lesco pachiamos. 25 Sa cadea, ci sas-li arachli orta vi i prostituata Rahav prin so cărdea pala so, pherdi lașimos, mechlea ca le dui mesageri te aven ande laco chăr hai bișaldea-le othar pe aver drom? 26 Si ciaces, cadea sar o corpo bi spiritosco silo mulo, sa cadea vi o pachiamos silo mulo cana ci sicavas-les prin so cheras.