2 Tesaloniceni

3 Ji la urmă, phralale, manghen tumen mai dur ca, prin amende, o cuvânto le Iehovasco te avel îngărdo mai dur sigo hai te avel glorifichime, cadea sar si ande tumaro mașcar. 2 Manghen tumen vi caște scăpisaras le manușendar nasul hai cioricane, că o pachiamos na-i iech buchi cai te avel sea le manușen. 3 Tha o Rai silo fidelo hai vo va zuriarela tumen hai va ferila tumen catar codo nasul. 6 Acana phralale, phenas tumenghe ando anav amare Raiesco o Isus Cristos, te duriaren tumen orisave phralestar cai ci phiravel-pe pachivales, hai cai ci phirel pala o sicaimos cai deam-les tumenghe. 10 Mai but, cana somas tumende, phendem tumenghe te cheren cadaia: „Cana varecon ci camel te cherel buchi, nici te na hal”. 11 Tha, așunas că chichiva mașcar tumende ci phiraven-pe pachivales, ci cheren chanci buchi hai șion-pe ande le averenghe buchia . 13 Tha tume, phralale, te na mechen tume te cheren so si lașio! 14 Hai cana varecon ci cherel so phendem tumenghe ande cado lil, te șion lesche iech semno hai te na mai aven amal lesa, caște avel lesche lajiav. 15 Cu sea cadala, te na dichen-les sar tumaro dușmano hai na așiaven tumen te den lesche sfaturi sar ieche phralesche. 17 Dichta mânro saluto, le Pavelosco, scriime mânre vastesa, cai si iech semno ande fiesavo lil; cadea scriiv me.