1 Timotei

5 Na ha tut ieche murșesa mai phuro. Mai but, sicav-les lașimasa sar ieche dades, hai le murșen mai tărne, cadea sar le phralen, 2 le juvlean mai phure, sar le deian, hai codolen mai tărne, sar le pheian, sea che lașimasa. 8 Si ciaces, dacă varecon ci lel sama pesche manușendar, hai vi mai but codolendar anda lesco chăr, mechlea pesco pachiamos hai silo mai nasul sar iech manuș bi pachiamasco. 13 Sa cadea, sichile te na cheren chanci, hai te jian catar iech chăr ca aver. Tha, na numai că ci cheren chanci, tha vi den duma nasul anda aver, șion-pe ande averenghe buchia hai den duma anda so ci trebulas te den duma. 17 Le phurenghe cai den sfaturi lașe te avel lenghe dini iech bari pachiv, vi mai but codolenghe cai cheren buchi phares anda o cuvânto hai anda o sicaimos. 20 Ortosar codolen cai cheren o păcato, angla savorenghe iacha, caște jianen vi von că trebun te len sama. 23 Te na mai pies numai pai, tha te pies vi iech țâra mol anda chio păr anda codoia că butivar san nasfalo.