Luca
14 Cadea că, cana arăslea o ceaso, vo șiutea-pe ca i meseli le apostolența. 15 Hai phendea lenghe: „Camlem but te hav tumența cado haben anda i Patraghi angla so te nachav prin bare ducha, 19 Sa cadea, lea iech manro, andea mulțumiri, phaglea-les hai dea-les lenghe, hai phendea: „Cado reprezentil mânro corpo, cai va avela dino anda tumende. Continuin te cheren cadai buchi ande mânri amintirea”. 20 Pala so hale, cărdea sa cadea le paharoia, hai phendea: „Cado paharo reprezentil o nevo legământo, pi baza mânre rateschi, cai trebul te avel șiordo ande tumaro miștimos. 26 Tha tumen te na aven cadea. Mai but, codo cai si o mai baro mașcar tumende te avel sar codo o mai tărno hai codo cai siles o rolo te conducil, sar codo cai slujil. 28 Cu sea cadala, tumen san codola cai așilean pașa mande ande mânre zumaimata. 29 Me phandavav tumența iech legământo, cadea sar mânro Dad phandadea manța iech legământo, anda iech regato, 30 caște han hai te pien ca mânri meseili, ande mânro Regato, hai te beșen pe tronuri caște judechin le 12 triburi le Israelosche. 31 Simon, Simon, ita că o Satan manglea tumen savoren caște hulavel tumen sar o ghiv. 32 Tha, me mangle-ma but anda tute, te na covliol chio pachiamos. Hai tu, cana va avela te amboldes-tu, te zuriares che phralen!”. 39 Pala codoia tiliardea hai gălea pala lesco obiceio ca o Plain le Măslinengo, hai le discipoli găle pala leste. 40 Cana arăsle code, phendea lenghe: „Rughin-tume mai dur caște na peren ando athaimos!”. 41 Hai duriardea-pe lendar cam ca iech șiudimos ieche baresco, dea cianga hai începosardea te rughil-pe 42 hai te phenel: „Dade, dacă cames, duriar mandar cado paharo! Cu sea cadala, te na cherel-pe mânri voința, tha chiri!”. 43 Atunci avilea iech îngero anda o cerii hai zuriardea-les. 44 Leschi duch ando ilo sas cadichi de bari, că vo manglea-pe vi mai zurales, hai le paia pa leschi fața cărdile sar o rat, cai perenas pi phuv. 61 Atunci o Rai risardea-pe hai dichlea co Petru, hai o Petru andea pesche amintea so phendea lesche o Rai: „Angla te bașavel o bașno, va avela te phenes trin-var că ci prinjianes man”. 62 Hai gălea avri hai astardea te rovel cărche asfența.