Luca
8 O Isus phendea lesche parpale: „Si scriime: «Le Iehovasche, chio Del, te anes închinarea hai numai lesche te anes iech servicio sfânto»”. 16 Pala codoia vo gălea co Nazaret, cai barilea, hai, cadea sar sas lesco obiceio anda o ghies le sabatosco, dea andre andi sinagoga hai uștilea ande pânrende te citisarel. 17 Dea pe lesche o sulo le profetosco Isaia. Vo pâtărdea o sulo hai arachlea o than cai sas scriime: 18 „O spirito le Iehovasco si opral mande, că vo machlea man te phenav i vestea lași le ciorenghe. Vo bișialdea man te phenav codolenghe phandade că avena mechle avri hai le corenghe că va dichena pale, te dav drom codolen phagărde 19 hai te predichisarav o bărș le lașimasco le Iehovasco”. 22 Savore denas duma mișto anda leste hai așenas uimime catar le șucar dumes cai înclenas anda lesco mui; von phenenas: „Ci si cado o șiav le Iosifosco?”. 38 Pala so tiliardea catar i sinagoga, dea andre ando chăr le Simonosco. I sasui le Simonoschi sas duchadi catar iech bari febra hai von mangle-les te ajutil-la. 43 Tha vo phendea: „Trebul te phenav vi ande aver foruria i vestea lași anda o Regato le Devlesco, că anda codoia somas bișaldo”. 44 Hai predichisardea mai dur andel sinagogi anda Iudeea.