Evrei
12 Anda codoia că pașa amende si iech noro cadea de baro de martori, te das vi amen de iech rig orisavo pharimos hai o păcato cai țârdel-ame cadea de ușoro hai bi te mechas-ame, te nașas i cursa cai sas șiuti angla amende, 2 te dichas orta caring o Instrumento Principalo amare pachiamosco hai Codoleste cai îngărel-les ca i perfecțiunea, o Isus. Anda i bucuria cai sas șiuti angla leste, vo suportisardea o stâlpo de tortură, ci sas lesche lajiav, hai șiutea-pe ca i ciaci rig le tronoschi le Devleschi. 3 Da, dichen atento caring codo cai suportisardea dumes cadichi de nasul, phende catar le păcătoși contra lenghe interesea, caște na aven chine hai te na mechen tumen. 5 Hai bâstărdean cu sea o sfato cai sas tumenghe dino sar niște șiavenghe: „Mânro șiavo, na dich sar iech țâni buchi că o Iehova ortosarel tut hai na av perado cana san sicado lestar, 6 că o Iehova ortosarel codoles cas iubil; mai but, vo pedepsil sea codolen cai primil-len sar șiave”. 7 Le ducha prin save nachen sicaven tumen. O Del phiravel-pe tumența sar pesche șiavența. Savo șiavo na-i ortosardo pesche dadestar? 9 Sa cadea, amare dada pa i phuv ortosarenas-ame hai cu sea cadala sicadeam lenghe pachiv. Ci trebulas atunci te supunisaras-ame cadicheia mai but le Dadesche amara viațache spiritualo hai te traisaras? 10 Că von ortosarenas-ame anda țâra timpo, cadea sar pachianas von că si mișto, tha vo cherel cadaia ande amaro miștimos, caște avel amen partea catar leschi sfințirea. 11 Si ciaces că cana sam ortosarde ci bucurisaras amen, tha sam duchade, hai pala iech timpo cherel ande codola cai sas-le sicade iech rodo lașio, adică pacea. 13 hai cheren mai dur droma orta anda tumare pânre, hai cadea so si bango te na înclel cathar pesco than, tha, mai sigo, te sastiarel-pe. 14 Roden i pacea savore manușența hai i sfințenia, bi saveaco niciech manuș ci va dichela le Raies. 16 hai len sama ca mașcar tumende te na avel niciech manuș imoralo sau vroiech cai ci dichel cuci le buchia sfânto, cadea sar o Esau, cai mechlea le drepturi cai sas lesche dine sar iechto năștime anda iech haben. 22 Tha pașilean catar o plain Sion hai catar o foro le Devlesco jiuvindo, o Ierusalimo cerisco, catar le miriadea îngerenghe 26 Atunci lesco glaso cărdea te izdrai i phuv tha acana vo promitisardea: „Va avela te cherav te izdral încă iech data na numai i phuv tha vi o cerii”. 27 Le cuvintea „încă iech data” sicaven că le buchia cai sile izdrane, adică le buchia cai sas-le cărde, ci va mai avena caște așen le buchia cai ci sile izdrane. 28 Anda codoia că va avela te primisaras iech Regato cai ci daștil te avel izdrano, te avel amen mai dur o lașimos nemeritime prin savo daisaras te anas iech servicio sfânto le Devlesche caște avel cuci ande lesche iacha, pherde dar sfânto hai venerația! 29 Anda codoia că amaro Del si sar iech iag cai thabol zurales.