Proverbe

8 Ci del cingar o goghiaverimos? Ci del duma zurales o prinjianimos? 2 Vo beșel andel thana uce ando drom, cai arachen-pe mai but droma. 3 Pașa le udara, sar jias andre ando foro, ca le udara cai jias andre, vo del cingar zurales: 4 „Manușale, caring tumende dav cingar; dav duma zurales savorenghe. 13 I dar le Iehovastar însemnol te urâsaras o nasulimos. Me urâsarav o puchiarimos hai o baricanimos, i rig nasul hai le dume cai athaven. 22 O Iehova cărdea man bute bărșența mai anglal, astardea peschi buchi manța, hai me somas leschi dintuni buchi. 23 Somas șiuti andal timpuri purane, o mai anglal, ji cai te avel i phuv. 30 atunci me somas pașa leste sar meștero lașio. Vo arachelas peschi bari bucuria ande mande ghies pala ghies hai me somas voime sea o timpo angla leste. 31 Mânro ilo bariolas anda i phuv cai cărdea-la ca le manușa te beșen pe late hai le manușa sas-le zurales cuci ande mânre iacha.