Evrei
4 Anda codoia că i promisiunea te arăsas ande leschi odihna așel ande pânrende, te las sama ca na varesar vroiech mașcar amende te avel arachlo neorta latar. 11 Cadea că, te das amari zor te arăsas ande cadai odihna, ca chonic te na lel-pe pala lende hai te na mai așunel. 12 O cuvânto le Devlesco silo jiuvindo hai zuralo, șinel mai mișto sar orisavi sabia cai sila dui șinimata hai arăsăl ji code cai șinel o sufleto le spiritostar hai le cocala catar lenghi măduva, hai daștil te sicavel ciaces le gândurea hai so camel o ilo te cherel. 13 Hai ci si niciech creația cai te avel garadi catar lesche iacha, tha sea le buchia sile nanghe hai sicade ciaces angla le iacha codolesche casche trebul te das socoteala. 14 Cadea că, anda codoia că si amen iech baro rașai prinjiando cai nachlea părdal le ceruri, o Isus, o Șiav le Devlesco, te încăras zurales te phenas savorenghe anda amaro pachiamos ande leste. 15 Că na-i amen sar baro rașai varecas cai ci daștil te na hachiarel amare covlimata, tha varecas cai ande sea le buchia sas șiuto co zumaimos cadea sar amen, tha bi te păcătuil. 16 Te pașioas bi te încăras amen parpale le tronostar le lașimasco nemeritime, caște primisaras îndurarea hai te arachas lașimos nemeritime, sar ajutorii co timpo lașio.