Geneza

1 Mai anglal o Del cărdea le ceruri hai i phuv. 2 La phuvea ci sas-la forma hai sas nanghi, hai opral le paia adânco sas tunearico; hai o baro zuralimos le Devlesco mișchilas-pe opral le paia. 3 Hai o Del phendea: „Te avel lumina!”. Hai sas lumina. 10 O Del șutea le șuche thanesche o anav „phuv” hai le paienghe cai chidine-pe ande iech than „mări”. Hai o Del dichlea că cadai buchi sas lași. 12 Pi phuv astardea te bariol ciar, plantea cai den roadea hai cașta cai cheren fructea, pala lengo felo. Hai o Del dichlea că cadai buchi sas lași. 21 Hai o Del cărdea le bare creaturi jiuvinde anda marea hai sea le creaturi jiuvinde cai mișchin-pe andel paia, pala lengo felo, hai sea le creaturi jiuvinde cai silen pacha hai zburin, pala lengo felo. Hai o Del dichlea că cadai buchi sas lași. 25 O Del cărdea le animalea sălbatico pala lengo felo, le animalea chăresche pala lengo felo hai sea le animalea cai țârden-pe pi phuv pala lengo felo. Hai o Del dichlea că cadai buchi sas lași. 26 Pala codoia o Del phendea: „Te cheras manuș pala amaro chipo hai amari asemănarea; von te stăpânin pa-l mașe, pa-l cerosche ciriclia, pa-l animalea domestico, pa sea-i phuv hai pa sea-l coaver creaturi cai mișchin-pe pi phuv”. 27 Hai o Del cărdea le manușes pala pesco chipo, cărdea-les pala o chipo le Devlesco; cărdea-le murș hai jiuvli. 28 O Del binecuvântisardea-le hai phendea lenghe: „Aven roditori, butiaon tumen hai pheren i phuv, supunin-la hai stăpânin pa-l mașe, pa-l cerosche ciriclia hai pa sea le creaturi juvinde cai mișchin-pe pi phuv”.