Psalmii

84 Chichi de șucar si chio baro tabernacolo, o, Iehova le armatengo! 2 Mânro ilo camel zurales, da, merav dorostar anda le barea le Iehovasche. Mânro ilo hai mânro mas den cingar bucuriatar caring o jiuvindo Del. 3 Chiar vi i ciricli arachel pesche iech chăr code, hai i rândunica arachel pesche iech cuibo ande savo lel sama pesche puionendar pașa chio baro altaro, o, Iehova le armatengo, mânro Rai hai Del! 10 Că mai lașio si iech ghies ande che barea sar iech mia ghiesa ande iech aver than! Mai mișto alosarav te beșav angla o udar le chăresco mânre Devlesco, ando than te beșav andel țărha le nasulenghe. 11 Că o Iehova Del si iech cham hai iech scuto; vo del favoarea hai pachiv. O Iehova ci încărel parpale niciech miștimos codolendar cai phiren loialo.