Matei

17 Șiov ghiesa mai târzio, o Isus lea-le leia le Petros, le Iacovos hai le Ioanos, o phral cadalesco, hai îngărdea-le pe iech plain ucio; code sas-le numai von. 2 Hai leschi fața parudea-pe angla lende: leschi fața strălucisardea sar o cham hai lesco hureaimos cărdea-pe strălucitorii sar o udud. 3 Hai ita că apărisarde o Moise hai o Ilie, cai denas duma leia. 4 Atunci o Petru phendea le Isusosche: „Raia, so mișto că sam cade! Dacă cames, va avela te vazdav trin țărha: iech anda tute, iech anda o Moise hai iech anda o Ilie”. 5 Cana încă delas duma, ita că iech noro luminoso șiutea peschi ucial pe lende hai anda o noro așundea-pe iech glaso cai phenelas: „Cado si mânro Șiav, codo iubime, cas aprobisardem-les! Te așunen lestar!”. 17 O Isus phendea: „O, generația nepachiavali hai rimosardi! Ji cana trebul te așav tumența? Ji cana va trebula te suportiv tumen? Anen-les cade mande”. 19 Atunci le discipoli avile co Isus, de iech partea, hai phende: „Amen sostar ci daisardeam te încalavas-les?”. 20 Vo phendea lenghe: „Anda codoia că si tumen țâra pachiamos. Ciaces phenav tumenghe că, dacă si tumen pachiamos sar iech cuchi de muștar, va phenena cadale plainesche: «Jia catar code» hai vo va jiala; hai chanci ci va avela imposibilo anda tumende”.