Iuda

1 O Iuda, o sclavo le Isus Cristososco, tha o phral le Iacovosco, caring codola acharde, iubime le Devlestar, o Dad, hai șiute de iech rig anda o Isus Cristos: 3 Mânre cuci phrala, chiar cana camlem but te scriisarav tumenghe anda amari salvarea ande iech than, pachiaiem că trebul te scriisarav tumenghe caște zuriarav tumen te den sea tumari zor anda tumaro pachiamos cai sas dino codolenghe sfinți iech data anda sea o timpo. 4 Cherav cadaia anda codoia că mașcar tumende avile ciordanes niște manușa cai va avena judechime cadea sar phende le Scripturi bute timposa mai anglal; cadala sile manușa bidevlesco, cai paruven o baro lașimos amare Devlesco ande iech scuza caște avel-len iech phiraimos bilajiavuno hai save nai-le fidelo caring amaro corcoro stăpâno hai Rai, Isus Cristos. 7 Sa cadea, i Sodoma hai i Gomora hai le forurea de pașa lende mechle-pe țârdine andi imoralitatea sexualo melali hai phirde pala camnimata le masesche lajiavune; von sile dine amenghe sar exemplo caște sichioas te na cheras cadea, anda codoia că avilea opral lende i cris anda i iag veșnico. 18 hai cai phenenas tumenghe: „Ando timpo de palal va avela prasaitoria, cai phiren pala lenghe camnimata anda buchia bipachivale. 20 Tha tumen, mânre cuci phrala, zuriaren tumen ande tumaro pachiamos sfânto hai manghen tumen spritosa sfânto, 21 caște așen andi iubirea le Devleschi, ando timpo so ajucăren i mila amare Raieschi o Isus Cristos, cai îngărel ca i viața veșnico.