Ezechiel

1 Ando 30-to bărș, ando panji-to ghies anda o ștar-to șion, cana somas mașcar le exilați pașa i len Chebar, le ceruri pâtărde-pe hai astardem te dichav angla mande viziuni catar o Del. 20 Jianas cai cherelas-len o spirito te jian, oricai jialas o spirito. Le roți vazdenas-pen ande iech than lența, că o spirito cai cherelas buchi opral le creaturi jiuvinde sas-lo vi andel roți. 27 Dichlem vareso cai strălucilas sar o sumnacai hai o rup bilade, cai sas sar iech iag, cai falas-pe că avelas catar lesco mașcar caring opre. Hai, catar lesco mașcar tele, dichlem vareso cai sas sar iech iag. Peste sea pașa leste sas iech strălucirea 28 sar codoia cai si iech curcubeo cai dichiol-pe ande noro ande iech ghies brâșândalo. Cadea dichiolas-pe i lumina cai strălucilas peste sea. Dichiolas-pe sar i gloria le Iehovaschi. Cana dichlem-la, pelem la fațaia ca i phuv hai așundem o glaso varecasco cai delas duma.