2 Samuel

5 Atunci o David holiardea-pe zurales pe codo manuș hai phendea caring o Natan: „Jiuvindo si o Iehova că codo manuș cai cărdea cadaia meritil te merel! 9 Sostar nachlean părdal o cuvânto le Iehovasco hai cărdean so si nasul ande lesche iacha? Mudardean la sabiaia le Urias, o hetito. Pala codoia lean sar rromni lesca rromnia, pala so les mudardean-les la sabiaia le amonițenghe. 10 Acana, i sabia ci va duriarela-pe niciechdata catar chio chăr, anda codoia că nachlean părdal mânro cuvânto cana lean sar rromni la rromnia le Uriaschi, o hetito. 13 Atunci o David phendea caring o Natan: „Păcătuisardem contra o Iehova”. O Natan phendea le Davidosche: „Cu sea cadala, o Iehova iertil chio păcato. Ci va avela te meres. 14 Tha, anda codoia că prin cadai buchi ci sicadean pachiv le Iehovasche, o șiavo cai năștisailea tuche de țâra timpo, va merela ciaces”.