Efeseni
2 pherde umilința, blândețea hai răbdarea, suportin tumen iech averes iubireaia 3 hai den tumari zor te încăren i unitatea le spiritoschi ando phanglimos la paceaco. 4 Si iech corcoro corpo hai iech corcoro spirito, cadea sar si vi iech corcoro speranța ca savi sanas acharde. 5 Si iech corcoro Rai, iech corcoro pachiamos, iech corcoro bolimos. 6 Si iech corcoro Del hai Dad le savorengo, cai silo opral savore, prin savore hai ande savore. 7 Acana o lașimos cai ci meritisaras-les sas dino fiesavesche pala sar camlea o Cristoso te del o daro bi lovengo. 8 Anda codoia că le Scripturi phenen: „Cana vazdea-pe opre, îngărdea pesa sclavi. Dea manușen sar daruri”. 11 Vo dea chichivan sar apostoli, chichivan sar profeți, chichivan sar evanghelizatori, chichivan sar păstori hai sicaitori, 12 caște ortosaren codolen sfinți, caște slujin averenghe, caște zuriaren o corpo le Cristososco, 13 ji cana va avela te arăsas savore chidine ando pachiamos hai ando prinjianimos ciacio le Șiavesco le Devlesco, te avel amen i goghi ieche bare manușeschi, hai te arăsas te traisaras amari viața pala sar cărdea vi o Cristos. 14 Cadea că, te na mai aven șiavorre, șiudine ande sea le riga catar le bare paia hai phirade anda iech than ande aver catar orisavi barval sicaimasco, anda codoia că așunen manușendar cai athaven hai cai prin nasulimos cheren planuri hohamne. 15 Tha mai but, te phenas o ciacimos, te barioas prin iubirea ande sea le buchia, caște arăsas cadea sar o Cristos, cai si o șăro. 16 Prin leste, sea le părți le corposche sile șucar șiute ande iech than hai cărde te cheren buchi prin sea le phanglimata cai cheren so trebul. Cana fiesavi partea le corposchi cherel peschi buchi mișto, o corpo bariol hai zuriarel-pe andi iubirea. 18 Lenghi goghi sili caliardi catar o tunearico hai sile dur la viațatar cai del-la o Del, anda codoia că nai-len prinjianimos hai lengo ilo silo sar iech barr. 19 Hasarde penghi lajiav hai mechle-pe astarde ande iech phiraimos bilajiavuno, caște cheren sacon felo buchia neuje bi te încăren-pe parpale. 22 Sanas sicade că trebul te den tele pa tumende i purani personalitatea, cai si pala o phiraimos cai sas tumen mai anglal hai cai rimosarel-pe pala le camnimata cai athaven. 23 Sa cadea, trebul mai dur te neviaren o zuralimos cai cherel buchi ande tumari goghi 24 hai neviaren o manuș cai san de andral, cai sas cărdo pala sar camel o Del hai te aven orta ando ciacimos hai loialitatea. 25 Anda codoia, acana, că duriardean tumendar o hohaimos, phenen o ciacimos fiesavo pesche pașardesche, anda codoia că sam părți le corposche phangle iech averestar. 26 Holiaren tumen, tha na păcătuin! Na mechen ca tumaro ilo te avel încă pherdo holi cana jial tele o cham, 27 caște na cheren than le Benghesche. 28 Codo cai ciorel te na mai ciorel, tha, mai mișto, te cherel buchi phares, te cherel pesche vastența iech buchi pachivali, caște avel-les so te del codoles cai silo cioro. 29 Niciech duma melali te na înclel anda tumaro mui, tha numai dumes lașe, cai zuriaren cadea sar trebul hai cheren mișto codolenghe cai așunen-len. 31 Duriaren tumendar orisavo nasulimos cărco, holi, sighiardi holi, cingarimos hai o dimos duma cai duchavel, ande iech than orisave nasulimaia. 32 Hai aven lașe iech averesa, pherde mila hai iertin tumen iech averes anda sea o ilo, cadea sar vi o Del, prin o Cristos, iertisardea tumen anda sea o ilo.