2 Timotei
2 Cadea că, tu mânro șiavo, zuriar tut mai dur prin o lașimos cai ci meritisaras-les cai si ando Cristos Isus; 2 hai le buchia cai așundean-len mandar, anda save but martori phende că sile ciace, te des-len mai dur codole manușenghe cai sile fidelo, save, va dena vi von penghi zor te sicaven averen. 13 dacă amen sam neloialo, vo așel loialo, că vo ci daștil te jial contra peschi duma. 15 De sea chi zor te sicaves-tu angla o Del sar iech manuș aprobime, sar iech manuș cai cherel buchi hai nai-les sostar te avel lesche lajiav, cai jianel te folosil mișto o cuvânto le ciacimasco. 19 Cu sea cadala, i zurali temelia le Devleschi așel ande pânrănde hai sila cado sigilo: „O Iehova prinjianel codolen save si lesche” hai „Oricon acharel o anav le Iehovasco te duriarel pestar o neortomos”. 20 Ande iech baro chăr ci si numai ustensile anda sumnacai hai anda rup, tha si vi anda cașt hai anda phuv; chichiva anda lende sile anda iech folosirea pachivali, hai aver, anda iech folosirea bipachivali. 22 Cadea că, naș catar le camnimata le tărnimasche hai rode o ortomos, o pachiamos, i iubirea hai i pacea, ande iech than codolența cai acharen le Raies anda iech ilo ujo. 23 Mai but, duriar tutar le dumes dilivane hai cai sile de ivea, că jianes mișto că cadala îngăren ca halimata. 24 Anda codoia că o sclavo le Raiesco ci trebul te hal-pe averența, tha trebul te avel blândo savorența, te jianel te sicavel averen, te încărel-pe parpale cana aver ci phiraven-pe ciacimasa lesa. 25 hai te sicavel pherdo blândețea codolen cai ci camen te așunen. Daștil-pe că o Del va cherela-len te paruven pengo gândimos hai cadai buchi te îngărel-len co prinjianimos ujo le ciacimasco 26 hai lenghi goghi te avel parpale hai te înclen anda o athaimos le Benghesco, cai astardea-le de jiuvinde caște cheren leschi voia.