Efeseni

5 Cadea că, len tumen pala o Del sar niște șiave iubime, 2 hai sicaven mai dur iubirea, cadea sar vi o Cristos iubisardea amen hai dea-pe pes anda amende sar ofranda hai jertfa, iech șucar mireasma so fal le Devles. 3 Le buchia sexualo melale hai o neujimos de orisavo felo sau o hașvalimos nici te na aven phende mașcar tumende, cadea sar trebun te aven codola sfinți; 4 nici o phiraimos lajiavuno, nici te den duma bigoghiaco, nici le phirasa melale – buchia cai nai-le lașe; mai mișto avelas te anen mulțumiri. 5 Anda codoia că jianen hai hachiaren mișto că niciech manuș imoralo, niciech manuș neujo, niciech manuș hașvalo, adică iech idolatro, ci va moștenila o Regato le Cristososco hai le Devlesco. 6 Chonic te na athavel tumen prin dumes nanghe, anda codoia că prin cadal buchia avel i holi le Devleschi opral le șiave cai ci așunen. 7 Cadea că, na hamisaren tumen lența caște cheren so cheren von! 8 Mai anglal sanas tunearico, tha acana san lumina anda codoia că san le Raiesche. Phiraven tumen vi mai dur sar niște șiave la luminache, 9 anda codoia că o rodo cai avel anda i lumina silo pherdo catar orisavo felo lașimos, ortomos hai ciacimos. 10 Len sama sea o timpo te cheren le buchia cai sile lașe andel iacha le Raiesche. 11 Hai na mai cheren le buchia cai încăren catar o tunearico, save ci anen chanci lașio, mai mișto sicaven chichi de nasul sile. 15 Cadea, că len sama sar phiren, na sar codola cai nai-le goghiaver, tha sar codola cai sile goghiaver, 16 folosin chichi mai mișto tumaro timpo, anda codoia că le ghiesa sile nasul. 17 Cadea că, na mai aven dilivane, tha hachiaren so camel tumendar o Iehova. 18 Hai te na cherel tumen i mol te machion, anda codoia că cadaia îngărel tumen po drom o nasul, tha pheren tumen spiritosa. 19 Den duma mașcar tumende ande psalmi, așarimatanța anda o Del hai ghileanța spiritualo, ghilaban hai bașaven le Iehovasche anda sea o ilo, 20 mulțumisaren sea o timpo le Devlesche hai amare Dadesche anda sea le buchia ando anav amare Raiesco, o Isus Cristos. 21 Anda codoia că si tumen iech bari pachiv caring o Cristos, așunen iech averestar! 22 Le rromnia te aven supuso penghe rromenghe sar le Raiesche, 23 anda codoia că o rrom si o șăro la rromniaco, cadea sar o Cristos si o șăro la congregațiaco, hai vo si codo cai salvil cado corpo. 24 Cadea că, sar i congregația sili supuso le Cristososche, sa cadea i le rromnia te aven supuso lenghe rromenghe ande sea. 25 Rromale, continuin te iubin tumare rromnian, cadea sar vi o Cristos iubisardea i congregația hai dea peschi viața anda late 26 caște sfințil-la, hai te ujiarel-la cana halavel-la paiesa, prin o cuvânto, 28 Sa cadea, le rroma trebul te iubin penghe rromnian sar pengo corpo. Con iubil pesca rromnia iubil-pe pes, 29 pentru că chonic ci urâsardea vroiechdata pesco mas, tha de-les te hal hai lel sama lestar, cadea sar cherel i o Cristoso la congregațiaia, 31 „Anda codoia, o murș va mechela pesche dades hai pesca deia hai va beșela pesca rromnia hai le dui va avena iech corcoro mas.” 33 Sa cadea, fiesavo anda tumende te iubil pesca rromnia sar pes, hai i rromni, sa cadea, te avel-la iech baro respecto anda laco rrom.