Ioan

8 12 Tha o Isus dea lenghe duma pale hai phendea: „Me som i lumina la lumeachi. Con avel pala mande ci va phirela niciechdata ando tunearico, tha va avela-les i lumina la viațachi. 16 Hai vi cana cherav cris, mânri cris si cărdi pala o ciacimos, anda codoia că ci som corcoro, tha o Dad, cai bișaldea-ma, silo manța. 28 O Isus phendea: „Pala so tumen va vazdena opre le Șiaves le manușesco, va jianena că me som codo cai phenav că som hai că ci cherav chanci pala mânro șăro, tha phenav le buchia pala sar sicadea man mânro Dad. 29 Codo cai bișaldea-ma silo manța; vo ci mechlea-ma corcoro, anda codoia că sea o timpo cherav le buchia cai placian-les”. 31 Atunci o Isus mai phendea le iudeienghe cai pachiaie ande leste: „Dacă așen ande mânro cuvânto, san ciaces mânre discipoli. 32 Va prinjianena o ciacimos hai o ciacimos va eliberila tumen”. 44 Tumen aven catar tumaro dad o Beng hai camen te cheren le camnimata tumare dadesche. Vo sas iech ucigașo catar o începuto hai ci așilea zuralo ando ciacimos, anda codoia că ande leste na-i ciacimos. Cana phenel iech hohaimos, del duma cadea sar silo vo, anda codoia că vo si iech hohamno hai o dad le hohaimasco. 45 Tha me phenav o ciacimos, anda codoia ci pachian-ma. 46 Con anda tumende daștil te sicavel că som doșalo că cărdiom păcato? Cana phenav o ciacimos, sostar ci pachian-ma? 47 Codo cai silo le Devlestar așunel le Devlesche cuvintea. Tumen anda codoia ci așunen, pentru că ci san le Devlestar”.