1 Tesaloniceni

3 Ita so camel o Del: te aven sfinți hai te încăren tumen parpale catar i imoralitatea sexualo. 4 Fiesavo anda amende trebul te jianel sar te încărel tela controlo pesco corpo andi sfințenia hai pachiv 5 hai te na mechel-pe țârdino ande iech camnimos sexualo hașvalo, bi te daștil te încărel-pe parpale, cadea sar le manușa andal națiuni cai ci prinjianen le Devles. 9 Cu sea cadala, anda i iubirea phralicani, ci trebul te scriisaras tumenghe, anda codoia că o Del sicavel tumen te iubin tumen iech averes. 10 Si ciaces, tumen iubin sea le phralen andai Macedonia. Tha, zuriarav tumen phralale te cheren cadaia mai dur sea mai but. 11 Den tumari zor te avel tumen iech viața liniștime, te dichen tumare buchiandar hai te cheren buchi tumare vastența, cadea sar sicadem tumen, 13 Mai but, phralale, amen ci camas ca tumen te na jianen so si codolența cai soven ando merimos, caște na aven duchade sar le coaver, cai ci silen speranța. 18 Cadea că, zuriaren tumen vi mai dur iech averes prin cadal dumes!