Ioan

27 Cheren buchi na anda o haben cai nachel, tha anda o haben cai așel, cai îngărel ca i viața veșnico hai cai dea-les tumenghe o Șiav le manușesco, că pe leste șiutea o Dad, chiar o Del, o sigilio cai sicavel leschi aprobarea”. 37 Sea codolen cai del-le manghe o Dad va avena mande hai me ci va avela te nașavav niciechdata codoles cai avel mande, 38 Anda codoia că avilem anda o cerii na te cherav mânri voința, tha i voința Codoleschi cai bișaldea-ma. 40 Anda codoia că cadea camel mânro Dad: ca oricon prinjianel le Șiaves hai sicavel pachiamos ande leste te avel-les viața veșnico. Hai me va avela te jiuvindisarav-les ando ghies de palal”. 44 Chonic ci daștil te avel mande, dacă o Dad cai bișaldea man, ci țârdel-les peste. Hai me va avela te uștiavav-les andal mule ando palutno ghies. 45 Andel profeți si scriime: «Savore va avena sicade le Iehovastar». Oricon așunel le Dadestar hai sichiol lestar avel mande. 68 O Simon Petru phendea lesche parpale: „Raia, caste te jias? Tut si tut le dumes cai îngăren ca i viața veșnico. 69 Amen pachias hai jianas că tu san o Sfânto le Devlesco”.