Proverbe

6 Jia ca i chir, tu cai san chandino, dich so cherel voi hai av goghiaver. 7 Chiar cana ci phenel lache chonic so te cherel, nici na phirel varecon pala late te dichel sar cherel buchi hai nai-la nici rai, 8 voi pregătil pesco haben ando milai hai șiol de iech rig mai but haben cana si o timpo te chidel-les. 9 Ji cana soves chandinea? Cana va avela te uștes anda chi lindr? 10 Încă iech țâra lindr, încă iech țâra soimos, beșes încă iech țâra le vastența po colin, 11 hai o ciorâmos avel pe tute sar iech cior hai mechel tut bi chancesco sar iech manuș cai phiravel pesa arme. 16 Șov buchia urâl o Iehova, da, efta buchia ci daștil te dichel lesco ilo: 17 le iacha cai den-pe bare, i hohamni șib, le vasta cai șioren rat nedoșalo, 18 o ilo cai camel te cherel nasulimos, le pânre cai nașen sigo co nasulimos, 19 Codoles cai jianel sar așen le buchia hai silo hohamno, cai phenel numai hohaimata hai cai anel i holi mașcar le phrala.