Daniel

25 Vo va chidela pesche i zor hai o tromai caște jial contra o rege le sudosche iecha armataia bari, hai o rege le sudosco va pregătila-pe anda o marimos iecha armataia zurales bari hai zurali. Vo ci va așela ande pânrende, anda codoia că va cherena-pe planuri contra lesche. 26 Codola cai han lesco lașio haben va anena lesco perimos. Leschi armata va avela șiudini ande sea-l riga hai but va perena mudarde. 30 anda codoia că contra lesche va avena corăbii anda Chitim hai va avela cărdo lajiavestar. Va jiala parpale, va șiorela peschi holi contra o legământo sfânto hai va cherela cadea sar camel; va jiala parpale hai va dichela caring codola cai mechen o legământo sfânto. 31 Hai lestar va vazdena-pe niște vasta cai va meliarena o sanctuaro, i fortăreața hai va duriarena i jertfa andini ande fiesavo ghies. Hai va șiona ande laco than i buchi dezgustătorii cai cherel pustiirea. 37 Vo ci va încărela conto le Devlestar lesche dadenghe hai ci va încărela conto nici anda so camen le jiuvlea, nici anda iech aver del, tha va vazdela-pe opral savorenghe. 38 Mai but, va dela gloria le devlesche le zuralimasche; ieche devlesche saves lesche dada ci prinjiande-les, va dela-les gloria le somnacaiesa, rupeia, cuci barența hai cuci buchianța. 40 Ando timpo le sfârșitosco, o rege le sudosco va astarela te marel-pe lesa, hai o rege le nordosco va avela pe leste sar iech baro brâșând hai va avela-les vurdona, călăreți hai but corăbii. Va jiala andre ande aver thema hai va șâlavela sea sar iech potopo. 41 Va jiala vi ando Them le Șucarimasco hai but thema va avena cărde te peren. Tha cadala va scăpina anda lesco vast: o Edomo, o Moabo hai i rig principalo catar le amoniți. 45 Va zinghiarela pesche regalo țărha mașcar i marea i bari hai o plain sfânto le Șucar Themesco, tha va arachela pesco sfârșito hai ci va avela chonic cai te ajutil-les.