Matei

3 O Filip hai o Bartolomeu; o Toma hai o Matei, cai chidelas le impozite; o Iacov, o șiavo le Alfeosco, hai o Tadeu; 7 Cana jian, phenen cadea: «O Regato le cerurengo si pașă!». 8 Sastiaren le nasfalen, ușteaven opre le mulen, ujiaren codolen leproși, încalaven avri le demoni. Bi lovengo primisardean, bi lovengo te den. 11 Ande orisavo foro sau gav jian, roden con si lașio ande codo than hai așen code ji cana va trebuna te tiliaren. 15 Ciaces phenav tumenghe că ando Ghies la Crisaco va avela mai ușoro anda i Sodoma hai i Gomora sar anda codo foro. 16 Ita că bișalav tumen sar le bacrean ando mașcar le ruvengo. Cadea că aven prudento sar le sapa tha vi inocento sar le porumbei. 18 Va avena îngărde angla le guvernatori hai regi anda mande, sar mărturia anda lende hai andal națiuni. 19 Tha, cana va dena tumen ande lenghe vasta, te na daran hai te na gândin tumen so va phenena hai sar, că so va trebula te phenen, va avela tumenghe dino ande codo momento, 20 anda codoia că na tumen va dena duma, tha o spirito tumare Dadesco va dela duma prin tumende. 23 Cana va așena tumenghe contra ande iech foro, nașen ande aver, anda codoia că ciaces phenav tumenghe că ci va arăsăna te phiren ande sea le forurea le Israelosche ji cana ci va avela o Șiav le manușesco. 28 Te na daran codolendar cai mudaren o corpo, tha ci daștin te mudaren o sufleto; mai mișto daran codolestar cai daștil te distrugil cadichi o sufleto, chichi vi o corpo andi Gheena! 29 Ci bichinen-pe dui țâne ciriclea anda țâra love? Cu sea cadala, niciech anda lende ci perel pi phuv bi ca tumaro Dad te jianel. 30 Tha tumenghe, vi le bala anda tumaro șăro sile sea înghine. 31 Anda codoia, na daran: Tumen san mai cuci sar but țâne ciriclea. 33 Tha, dacă varecon phenel că ci prinjianel-ma angla le manușa, nici me ci va avela te prinjianav-les angla mânro Dad, cai si andel ceruri. 34 Te na pachian că avilem te anav pacea pi phuv; ci avilem te anav pacea, tha sabia. 35 Căci avilem te cherav holi mașcar o șiav hai o dad, mașcar i șei hai i dei hai mașcar i bori hai i sasui. 36 Le manușesche dușmani va avena chiar codola anda lesco chăr. 37 Con iubil mai but pesche dades hai pesca deia sar man nai-lo lașio anda mande hai con iubil mai but pesche șiaves sau pesca șeia sar man nai-lo lașio anda mande. 38 Con ci lel pesco stâlpo de tortură hai ci avel pala mande ci silo lașio anda mande.