Revelația
14 Pala codoia dichlem hai ita că o Mielo beșelas po plain Siono hai leia sas 144 000 cai sas-le scriime po cicat lesco anav hai o anav lesche Dadesco. 2 Hai așundem sar avelas anda o cerii iech suneto sar cana avenas but paia hai sar iech bașimos catar iech zuralo tuneto. O suneto cai așundem-les sas sar cana varecon ghilabalas hai bașavelas ca i harpa. 3 Von ghilaban angla o trono, angla le ștar creaturi jiuvinde hai angla le phure, so fal-pe te avel iech nevi ghili. Chonic ci daștilas te sichiol cadai ghili numai codola 144 000, cai sas-le chinde pa i phuv. 4 Von si codola cai ci meliarde-pe jiuvleanța; mai but, von sile virgini. Von si codola cai jian sea o timpo pala o Bacro oricai jial vo. Sas-le chinde de mașcar le manușa sar dintune roade anda o Del hai anda o Bacro, 6 Hai dichlem iech aver îngero cai zburialas ando mașcar le cerosco iecha vesteasa lași veșnico caște phenel-la le manușenghe cai train pi phuv hai ca orisavi națiunea, tribo, șib hai them. 7 Vo phenelas voceasa zurali: „Daran le Devlestar hai den-les pachiv, că avilo o ceaso anda i judecata cărdi lestar! Anen închinarea Codolesche cai cărdea o cerii hai i phuv, i marea hai le paia cai aven tela i phuv!”.