Faptele
6 Hai, anda codoia că ci arachlea-le, îngărde le Iasonos hai chichiva phralen ca codola cai conducinas o foro, hai denas cingar: „Cadal manușa cai risarde opre sea i phuv locuime sile vi cade, 7 hai o Iason primisardea-le ande pesco chăr. Sea cadal manușa așen contra le decretea le Cezarosche, hai phenen că si iech aver rege, o Isus”. 11 Cadalen sas-le iech caractero mai nobilo sar codolen anda o Tesalonic, anda codoia că acceptosarde o cuvânto anda sasto ilo, hai rodenas mișto ando lil le Devlesco ande fiesavo ghies caște dichen dacă le buchia sas-le cadea. 12 Cadea că, but jene mașcar lende astarde te pachian, hai sa cadea cărde vi but jiuvlea hai chichiva murșa pachivale de mașcar le greci. 16 Ando timpo so o Pavel ajucărelas-len andi Atena, lesco ilo astardea-pe holiatar cana dichlea că o foro sas-lo pherdo idoli. 17 Cadea că, astarde te den duma andi sinagoga le iudeiența hai le coavere manușența cai anenas închinarea le Devlesche hai, ande fiesavo ghies andi piața, codolența cai sas-le code. 22 O Pavel vazdea-pe ando mașcar le Aeropagosco hai phendea: „Murșa anda Atena, dichav că ande sea le buchia fal-pe că daran mai but le devlendar sar aver manușa. 23 Sar exemplo, cana nachlem hai dichlem atento tumare buchia andai închinarea, arachlem iech altaro pe savo scriilas: «Ieche Devlesche neprinjiando». Cadea că, casche tumen anen închinarea bi te prinjianen, anda codo dav duma me tumenghe. 24 O Del cai cărdea i lumea hai sea-l buchia anda late, vo, cai silo o Rai le cerosco hai la phuveaco, ci beșel andel temple cărde vastendar, 25 nici nai-lo slujime le vastendar le manușenghe, sar cana avelas-les nevoia catar vareso, că vo corcoro del viața savoren, phurdimos hai sea le buchia. 27 pentru ca von te roden le Devles, vi cana trebulas te șion o vast pala leste, hai te arachen-les, cu sea că na-i dur niciechestar anda amende. 28 Că prin leste si amen viața, cheras sea hai traisaras, cadea sar phende chichiva anda tumare poeți: «Că vi amen sam lesche șiavorre». 30 Si ciaces că o Del nachlea părdal codol timpuri bi prinjianimasco; tha acana, vo phenel savore manușenghe, anda sea le thana, că trebun te căin-pe.