Isaia

60 Vazde tut, jiuvlie, de lumina, anda codoia că avilea chi lumina! I gloria le Iehovaschi strălucil opral tute. 2 Că ita, o tunearico va pachiarela i phuv hai i cali riat va avela opral sea le națiuni; tha o Iehova va strălucila pe tute hai leschi gloria va dichiola-pe opral tute. 3 Le națiuni va avena ca chi lumina hai le regi, ca i bari strălucirea che șucarimaschi. 16 Va avela te pies o thud le națiunengo, va avela te del-pe tuche thud catar o colin le regengo hai va jianeia ciaces că me, o Iehova, som chio Salvatorii hai că o Zuralo le Iacobosco si chio Răscumpărătorii. 17 Ando than le harcumesco va avela te anav somnacai, ando than le sastresco va avela te anav rup, ando than le caștesco, harcum hai ando than le barăngo, sastr. Va avela te șioav pe tute sar supraveghetorii i pacea hai o ortomos va dela tuche buchi. 21 Sea le manușa anda chio poporo va avena orta. Von va beșena ando them anda sea o timpo. Von sile o vlăstaro cai me șiutem-les andi phuv, i buchi cai me cărdem-la mânre vastența, ca me te sicavav mai șucar. 22 Codo țâno va arăsăla iech mia hai codo vi mai țâno, iech națiunea zurali. Me, o Iehova, va avela te sighiarav cadai buchi cana va avela laco timpo.”