Levitico
10 Dacă iech manuș anda o chăr le Israelosco sau iech străino cai beșel mașcar tumende hal rat anda orisavo felo, va avela ciaces te risarav mânri fața codolestar cai hal rat hai va avela te chosav-les anda lesco poporo. 11 Că i viața orisave jiuvindimaschi sili ando rat, hai me corcoro alosardem te avel șiuto o rat po altarii anda tumende caște aven chosle tumare păcatea, anda codoia că o rat chosel le păcatea prin i viața cai si ande leste. 14 Că i viața orisave jiuvindimaschi si lesco rat, anda codoia că i viața si ande leste. Cadea că phendem le israelițenghe: „Te na han o rat catar chanci jiuvindo, anda codoia că i viața orisave jiuvindimaschi si lesco rat. Oricon hal-les va avela mudardo”.