Eclesiasto

4 Cana cheres iech solaharimos le Devlesche, na încăr tut parpale te pheres-les, anda codoia că vo ci dichel lașe iachența codolen bi goghiaco. Încăr o solaharimos cai cheres-les. 5 Mai mișto te na cheres niciech solaharimos sar te cheres iech solaharimos hai te na încăres-les. 18 Ita so dichlem că si mișto hai șucar: O manuș te hal, te piel hai te bucuril-pe catar sea i buchi cai cherel-la phares tela o cham ande le țâra ghiesa lesca viațache cai dea-len lesche o ciacio Del, că cado si lesco pochinimos. 19 Sa cadea, cana o Del ciacio del le manușesche barvalimata hai but buchia hai mechel-les te folosil-pe lendar, vo te lel pesco pochinimos hai te bucuril-pe catar leschi phari buchi. Cado si o daro le Devlesco. 20 Cadea că, codo manuș ci gândil-pe prea but ca le ghiesa lesca viațiache cai nachen, anda codoia că o ciacio Del pherel lesco ilo bucuriatar.