1 Regi

5 Ande cado timpo, o Adonia, o șiav le Haghitosco, phuchiardea-pe barimastar hai phenelas: „Me va avela te avav rege!”. Hai șiutea te avel lesche cărdo iech vurdon, arachlea vi murșa po grasta hai 50 manușa save te nașen angla leste. 6 Lesco dad ci ortosardea-les niciechdata hai ci phendea lesche: „Sostar cărdean cadaia?”. Mai but, o Adonia sas-lo zurales șucar hai cărdilea pala o Absalom. 7 Vo cărdea pesche sfato le Ioabosa, o șiav le Țeruiasco, hai le rașaiesa Abiatar, hai von ajutisarde le Adonias hai așile de leschi rig. 8 Tha o rașai Țadoc, o Benaia, o șiavo le Iehoiadasco, o profeto Natan, o Șimei, o Rei hai le zurale manușa le Davidosche ci așile de i rig le Adoniaschi.