1 Tesaloniceni

2 Pala so mai anglal samas duchade hai prasade ando Filipi, cadea sar jianen, o Del dea amen tromai te phenas tumenghe i vestea lași chiar cana but așile amenghe contra. 4 Tha, anda codoia că o Del arachlea amen lașe te avel amenghe dini i vestea lași, das duma na caște avas mișto dichle le manușendar, tha le Devlestar, codo cai rodel so si ande amaro ilo. 7 Cărdileam lașe mașcar tumende, sar iech dei cai del thud pesche șiaven hai lel sama dragosa lendar. 8 Anda codoia că ande amare ile thabol iech iubirea zurali anda tumende, samas gata na numai te das tumen i vestea lași le Devleschi, tha vi te das amari viața anda tumende, cadea de drago arăslean amenghe. 9 Ciaces, phralale, anen tumenghe amintea amari phari buchi hai chichi de but deam amari zor. Cana phendem tumenghe i vestea lași le Devleschi, cărdeam buchi ghies hai riat caște na avel pharo le lovența nici iechesche mașcar tumende. 13 Dich sostar ci așiavas amen te mulțumisaras le Devlesche, anda codoia că, cana așundean o cuvânto le Devlesco, cai amen phendeam-les tumenghe, lean-les na sar o cuvânto le manușengo, tha, cadea sar silo ciaces, sar o cuvânto le Devlesco, cai cherel buchi ande tumende, le pachiavale. 19 Savi si i speranța, i bucuria sau i coroana saveaia va avela te das-ame bare angla amaro Rai o Isus ando timpo lesca prezențaco? Oare na chiar tumența? 20 Ciaces, tumen san amari gloria hai bucuria.