2 Timotei

2 Phen o cuvânto hai cher cadai buchi chichi mai sigo andel lașe ghiesa hai andel phare ghiesa; lașiar, ortosar, zuriar pherdo răbdarea sar iech lașio sicaitorii. 3 Anda codoia că va avela iech timpo cana ci va suportina o sicaimos ujo, tha, va lena-pe pala so von va camena, va beșena mașcar sicaitori cai va phenena ande lenghe cana so va placiala-len te așunen. 4 Von ci va mai așunena o ciacimos, tha va avena atenți ca le paramicia neciace. 5 Tha tu te aves goghiaver ande sea le buchia, av zuralo cana naches prin pharimata, cher i buchi ieche evanghelizatoroschi, cher chi buchi anda o Del anda sasto ilo! 6 Că me deja som șiordo sar iech ofranda pimaschi, hai o timpo te avav eliberime si zurales pașă. 7 Mardem-ma i lași lupta, nașlem i cursa ji co sfârșito, așilem ando pachiamos. 8 De acana angle si manghe șiuti de iech partea i coroana le ciacimaschi cai o Rai, o judecătorii ciacio, va dela-la manghe sar pochinimos ande codo ghies, tha na numai manghe, tha vi sea-l codolenghe cai camle zurales te sicavel-pe lenghe. 10 Că o Dima mechlea man anda codoia că iubisardea mai but cadai lumea hai gălea ando Tesalonic; o Crescens gălea andi Galatia, hai o Tit, andi Dalmația. 11 Numai o Luca silo manța. Le tusa le Marcos, anda codoia că ajutil-ma ande mânro servicio.